தினம் ஒரு கருத்து

வலைதளப் பார்வையாளர் கவனத்திற்கு.... மிக முக்கியமான பதிவுகள் WEBSITE ன் வலது புறத்தில் தலைப்பிட்டு வரிசையாக இருக்கும். அதில் உங்களுக்கு பிடித்த பகுதியை கிளிக் செய்து பார்க்கவும்.

Tuesday, April 24, 2018

பணி நிறைவு பாராட்டு விழா 
தோழர். R. ஜெம்புநாதன் TT / TNJ
அவர்களின் பணி நிறைவு பாராட்டுவிழா 
22-04-18 அன்று தஞ்சையில் சிறப்பாக நடைபெற்றது. 
மாவட்டச் செயலர் தோழர் K. கிள்ளிவளவன், 
மாவட்டத் தலைவர் தோழர். T. பன்னீர்செல்வம்,
 மாவட்டச் சங்கப்  பொறுப்பாளர்கள் 
கலைச்செல்வன், ஜோதிவேல் 
மற்றும் பல தோழர்கள் பங்கேற்று சிறப்பித்தனர்.


Sunday, April 22, 2018

NFTE - BSNL 
தஞ்சை மாவட்டம்.
=================
இரங்கல் செய்தி 

=====================================
நமது தஞ்சை மாவட்டத்தின்  
BSNL  துணைப்  பொது மேலாளராக 
சிறப்பாக பணியாற்றி ய்வு பெற்ற 
திரு. S. ராமச்சந்திர அய்யர் அவர்கள்  
இன்று ( 22-04-18 ) காலை இயற்கை எய்தினார் 
என்பதை ஆழ்ந்த வருத்தத்துடன்
தெரிவித்துக் கொள்கிறோம்.

 24-04-18 காலை தஞ்சாவூர்  அவரது இல்லத்திலிருந்து
உடல் எடுத்துச் செல்லப்பட்டு நல்லடக்கம் 
செய்யப்படும் என்பதையும் அறிவிக்கின்றோம்!

அவர் பணியில் இருந்த காலத்தில் 
நமது தொழிற்சங்கத்துக்கு பேருதவியாக இருந்தார்.
பல பிரச்சினைகளை தாயுள்ளத்தோடு பரிசீலித்து 
தீர்த்துக் கொடுத்துள்ளார் என்பதை 
இந்த நேரத்தில் நன்றியோடு நினைத்துப் பார்க்கிறோம்!

அவரைப் பிரிந்து வாடும் அவரது 
துணைவியாருக்கும், குடும்பத்தாருக்கும் 
 NFTE தஞ்சைமாவட்டச் சங்கம் தனது 
ஆழ்ந்த இரங்கலைத் தெரிவித்துக்கொள்கிறது.


இல்ல முகவரி:
8 வது தெரு,
சுந்தரம் நகர்,
மருத்துவ கல்லூரி சாலை,
தஞ்சாவூர்.

நீங்கா துயருடன், 
கே. கிள்ளிவளவன்,
மாவட்டச் செயலர்.
=============================================

Saturday, April 21, 2018

ஆஷிபா மரணம் - தேசத்தின் துயரம்!

இந்தச் சம்பவம் எல்லோருக்கும் மிகப் பெரிய மனவலியை ஏற்படுத்திவிட்டது.  ஏனென்றால் எல்லோர் வீட்டிலும் குழந்தைகள் இருக்கின்றார்கள்.  குழந்தைகளுக்கு, தான் என்ன சாதி,  என்ன மதம், கடவுள் என்றால் என்ன என்று ஏதாவது தெரியுமா! அவர்களின் மழலை மொழி, பிஞ்சுக் கரங்கள், கொள்ளைச் சிரிப்பு ஆகியவை நமக்கு  தெய்வீகத் தன்மையை, நேச உணர்வையல்லவா அள்ளித்  தருகிறது. குழந்தை ஆசிபாவை இப்படி சிதைத்திருக்கிறார்களே!  அவர்களுக்கெல்லாம்  குழந்தைகள் இல்லாமலா இருக்கும். அவர்களும் இந்திய நாட்டில் பிறந்து, இந்தியக் கலாச்சாரத்தில் வளர்ந்தவர்கள்தானே!
இந்திய நாட்டின்  ஒருமைப்பாடு, பண்பாடு என்பதெல்லாம் பொய்யா! என்ற கேள்விகளுக்கு விடை காண்பதே இந்தக் கட்டுரையின்
நோக்கம்.  

காஷ்மீரத்தில் இக் கற்பழிப்புகள் புதிதல்ல. தொடர் கற்பழிப்புகள் நடைபெற்ற மாநிலம் காஷ்மீர். இதற்கு காரணமான அரசியல் சக்திகள் தண்டனைக்கு ஆளாக்கப்பட்டால்தான் இவைகளை நிறுத்த முடியும். இதற்கு மூல காரணம் பாபர் மசூதி இடிப்புக்கான ரத யாத்திரை அரசியல் மற்றும்   ராமர் கோயில் பெயரால் நடத்தப்பட்ட அரசியல்தான்.  நமது ராணுவத்தினரே ஒரு கிராமத்தில் உள்ள ஆண்களை எல்லாம்  கடத்திவிட்டு அங்குள்ள பெண்களை கற்பழித்திருக்கிறார்கள். ராணுவத்தினர்   மீதும், காவல் அதிகாரிகள்  மீதும் இப்படி கற்பழிப்பு குற்றச்சாட்டுகள் உண்டு.
காஷ்மீரில் ஒரே புதைகுழியில் 900 பிணங்கள் கண்டுபிடிக்கப்பட்டது. 
அரசின் உதவியில்லாமல் இதெல்லாம் செய்ய முடியாது. எவ்வித நடவடிக்கையும் இல்லை. 
இம் மாநிலத்தில்தான் இறந்தவர் யார் என்று கூட கண்டுபிடிக்க முடியாது.  இங்கு இன்று வரை 12000 பேர் காணாமல் போயிருக்கிறார்கள்.  இங்கு "காணாமல் போனவர்களின் பெற்றோர்கள் அமைப்பு" என்று ஒரு  இயக்கம் இருக்கிறது என்றால் நிலைமையை யூகித்துக்கொள்ளுங்கள்.
குரூரமான ராணுவக் கெடுபிடிகளால் ஆக்கிரமிக்கப்பட்ட நிலையில்தான் காஷ்மீர் மக்கள் வாழ்ந்து கொண்டிருக்கிறார்கள்.
2009 ல் நிலோபர், ஆயிஷா இருவரும் பாதுகாப்பு படையினரால் கற்பழித்து கொல்லப்பட்டார்கள். இன்றுவரை குற்றவாளிகள் மீது எந்தவொரு நடவடிக்கையும் இல்லை.

காஷ்மீரில் நடக்கும் பிரச்சனைகளை  ஐ.நாவில் எடுத்து வைக்கப்படும் போது, காஷ்மீரில் நடக்கும் கொலைகளை விசாரிக்கவும், அறிக்கைகளை வெளியிடவும் ஒரு தனி அதிகாரியை ஐக்கிய நாடுகள் அவை நியமித்தது.  இந்த அதிகாரி பொறுப்பில் இருந்த கிறிஸ்தோப் ஹெய்ன்ஸ் தனது ஆய்வு அறிக்கையில் என்ன கூறினார் என்றால், "காஷ்மீரில் செயலில் இருக்கும் ஆயுதந்தாங்கிய படைகளின் சிறப்பு அதிகாரம் (AFSPA) மக்களின் அடிப்படை உரிமைகள் அனைத்தையும் பிடுங்கிக் கொள்கிறது. மக்களின் “RIGHT TO LIFE” உயிர் வாழும் உரிமையை முற்றாக மறுத்துவிடுகின்றது. ஜனநாயக நாடு எனச் சொல்லிக் கொள்ளும் ஒரு நாட்டில் இதற்கு எந்த வேலையுமில்லை. இந்த சட்டத்தை நீக்குவதன்  மூலம் அரசு மக்களின் வாழும் உரிமையை மதிக்கின்றது என்ற செய்தியை மக்கள் மனதில் நிலைபெறச் செய்யலாம்" எனக் கூறியுள்ளார். (ஆதாரம்: THE HINDU March 31, 2012)
எந்த அறிக்கையையும் கண்டு கொள்ளாத அரசு இந்த அறிக்கையையும் கண்டு கொள்ளாமல் விட்டு விட்டது.
காஷ்மீர் மாநிலம் மத ரீதியாக பிரிக்கப்பட்டுள்ளது.  காஷ்மீரிகளை எதிரிகளாகவும், அவர்களை அழித்தால்தான்  தன் நாட்டிற்கு நன்மை  என்று உளவியல் ரீதியாக அவர்கள் மாற்றப்பட்டுவிட்டார்கள்.  
அதனால்தான் 8 வயது குழந்தையை சிதைத்துக் கொன்றவர்களுக்கு ஆதரவாக அணி திரள்கிறது,  அங்குள்ள நீதிமன்ற அமைப்புகளும், இந்து ஏக்தா மஞ்சு என்ற ஆர்.எஸ்.எஸ் அமைப்பும். இவர்கள்   நடத்திய  போராட்டத்தில்   வனத்துறை,     தொழில்துறை  அமைச்சர்களும்           பங்கெடுத்திருக்கிறார்கள் என்பதெல்லாம் நமக்கு புதிய செய்திகள்.  இதற்கெல்லாம் அங்குள்ள  ஆயுதப் படையின் அத்துமீறல்களும், அங்கு நடைபெறும்  அரசியல் சூழ்ச்சிகளும்தான் காரணம் என்பதை உணர்ந்தால்தான் இப்பேர்ப்பட்ட தன்மைகளை வேரோடும், வேரடி மண்ணோடும் அகற்ற முடியும்.


உலகிலேயே மிகப் பெரிய வன்முறை எது தெரியுமா? திருப்பித் தாக்க முடியாதவனின் மீது செலுத்தப்படும் வன்முறை தான். பெரும்பான்மையினரால் சிறுபான்மையினர் மீது நடத்தப்படும் வன்முறை அத்தகையது. 10 பேர் சேர்ந்து ஒருவனைத் தாக்குவது கும்பல் மனப்பான்மை தரும் துணிச்சல்தானே தவிர, உண்மையில் அது மிகப்பெரும் கோழைத்தனம், வன்முறையின் உச்சம். அதைவிடக் கொடுமையான வன்முறை, பல ஆண்கள் சேர்ந்து ஒரு பெண்ணை கூட்டுப் பாலியல் வன்புணர்வு செய்வது. இதையே நாம் கொடுமை என்றால், துள்ளி விளையாடும் சிறுமிகளை பாலியல் வன்புணர்வு செய்பவர்களை மனிதர்களாகவேனும் கருத முடியுமா? ஆனால், அத்தகைய மனித மிருகங்களாகத்தான் இந்துத்துவ சக்திகள் இந்த மண்ணில் நடமாடுகின்றன. சிறுமி ஆசிஃபா-வை கூட்டு பாலியல் வன்புணர்வு செய்து, கொடூரமாகக் கொன்ற கொலையாளிகளைப் பாதுகாக்க ஆர்ப்பாட்டங்கள் செய்த இந்துத்துவ - பாஜக சக்திகள் வாழும் இந்த நாட்டில், இனி சிறுபான்மையினரும், பெண்களும் பாதுகாப்பாக வாழ முடியுமா?
இத் தன்மையை உணர்ந்தவர்கள் ஆர்.எஸ்.எஸ். சிடமிருந்தும், சங் பரிவார் கும்பலிடமிருந்து விலகிட வேண்டும்.

இறுதியாக ஜோன்  லிண்டன் எழுதிய வேதனைக் கவிதையின் கடைசிப் பகுதியை மட்டும் உங்களுக்கு படித்துக் காட்டி முடிக்கிறேன் தோழர்களே! 

இரவெலலாம் கனவுகளில்
வந்து போகிறாள் ஆசிஃபா.
முக்காடிடவும், முழங்காலிடவும், 
கன்னத்தில் போட்டுக் கொள்ளவும்
அருவருப்பாய் உணர்கிறது உடல்.
ஊதுபத்தியிலும், கற்பூரத்திலும்,
மெழுகுவத்தியிலும்மணக்கிறது 
ஆசிஃபாவின் குருதி வாசனை.
மந்திரங்களில் ஒலிக்கிறது
அவளது அலறல்.
பிரசாதமாய்க் கிடக்கிறது
அவளது உடல்.


நன்றி நண்பர்களே! மீண்டும் சந்திப்போம்! 

திருவாரூரில்  அனைத்துச் சங்க கூட்டமைப்பின் சார்பாக கண்டன ஆர்ப்பாட்டம்.
=======================
SC, ST மீதான வன்கொடுமைச் சட்டத்தை நீர்த்துப் போகச் செய்யும் நீதிமன்ற தீர்ப்பை ரத்து செய்யக் கோரியும், காஷ்மீர் குழந்தை ஆஷிபா படுகொலையினைக் கண்டித்தும் 
20-04-18 அன்று மாலை ஆர்ப்பாட்டம் நடைபெற்றது. ஆர்ப்பாட்டத்தில் 40க்கும் மேற்பட்ட தோழர்கள் பங்கேற்றனர்.











Friday, April 20, 2018

காவேரி மேலாண்மை வாரியம்!

காவேரி மேலாண்மை வாரியம் ஏன் அமைக்க வேண்டும்.  
அதை அமைப்பதில் என்ன சிக்கல்?
அதை அமைப்பதால் யாருக்கு  என்ன லாபம்? யாருக்கு என்ன நஷ்டம்?
அதில் தமிழகத்திற்கு என்ன உரிமையிருக்கிறது?
கர்நாடகாவிற்கு என்ன உரிமை இருக்கிறது?
இந்த நான்கைந்து கேள்விகளுக்கு  விடை காண முயற்சிப்பது இந்த காவிரி பிரச்சினையைப் பற்றிய புரிதலுக்கு வழிவகுக்கும்.

இப்போது காவேரி நதியைப் பற்றி மேலோட்டமாக கொஞ்சம் பார்ப்போம்.

காவேரி நதி கர்நாடகாவில் குடகு மாவட்டத்தில்  தலைக்காவேரி என்னுமிடத்தில் 4400 மீட்டர் உயரத்தில் தோன்றுகிறது. 
இது கர்நாடகாவில் 6 மாவட்டங்களையும், தமிழ்நாட்டில் 8 மாவட்டங்களையும் கடந்து பூம்புகாரில் கடலில் கலக்கிறது.  
இதன் நீளம் 800 கிலோ மீட்டர். கர்நாடகாவில் 320 கிலோமீட்டரும், தமிழகத்தில் 416 கிலோமீட்டரும், இரு மாநிலத்தின் எல்லையில்  ஒரு 64 கிலோமீட்டரும் செல்கிறது. 
காவிரியில் விழும் இரு அருவிகள் கர்நாடகாவில் சிவசமுத்திர நீர்வீழ்ச்சியும், தமிழகத்தில் ஒகேனக்கல் அருவியும் ஆகும்.  
காவிரிக்கு பொன்னி நதி என்று ஒரு பெயரும் உண்டு.இந்த ஆற்றில் தங்கத் தாது இருப்பதாகவும் அதனால் பொன்னி ஆறு என்ற பெயர் வந்ததாகவும் சொல்லப்படுகிறது. 
காவிரியிலிருந்து கர்நாடகத்தில் 7 ஆறுகளும், தமிழகத்தில் 3 ஆறுகளும் துணை ஆறுகளாக பிரிகின்றன.  
இப்படி பல ஆறுகள் பிரிந்தும், இணைந்தும் ஆழமான குறுகிய பாறைகளின் வழியாக பாய்ந்து மேகதாட்டு என்ற இடத்தைத் தாண்டி தமிழகத்தை அடைகிறது. 
இந்த இடத்தை ஆடு தாண்டும் காவிரி என்றும் அழைப்பார்கள். இந்த இடத்தில் ஆடுகள் கூட காவிரியைத் தாண்டி விடலாம் என்பதால்தான் மேகேதாட்டு என்று பெயர் வந்தது.

நீர்ப் பங்கீடு:

காவிரி நீர் கர்நாடகா, தமிழ்நாடு, புதுச்சேரி, கேரளா ஆகிய பகுதிகளுக்கு பகிர்ந்தளிக்கப்படுகிறது.
ஏற்கனவே நடுவர் மன்றம் அமைக்கப்பட்டு அது தனது தீர்ப்பில் தமிழகத்திற்கு 192 TMC, கேரளாவுக்கு 30 TMC, புதுவைக்கு 7 TMC என்ற அளவில் வழங்கிட உத்தரவிட்டுள்ளது. 
இந்த இறுதித் தீர்ப்பை எதிர்த்து 4 மாநிலங்களும் தொடர்ந்த வழக்கில் 16-02-18 ல் தீபக் மிஸ்ரா அடங்கிய அமர்வு கீழ்க்கண்டவாறு தீர்ப்பளித்தது.   தமிழகத்திற்கு ஏற்கனவே வழங்கப்பட்ட 192 TMC யில் 14.75 TMC குறைத்து 177.25 TMC நீர் வழங்கிட உத்தரவிட்டது. 
தமிழகத்தில் நிலத்தடி நீர் 20 TMC இருப்பதால் 14.75 TMC குறைத்து    ஒதுக்கப்பட்டுள்ளது. கர்நாடகாவுக்கு முன்பு அளித்த 270 TMC தண்ணீரோடு இந்த 14.75 TMC தண்ணீரையும் சேர்த்து 284.75 TMC வழங்கிட உத்தரவிட்டுள்ளது.
புதுவை, கேரளாவுக்கு நடுவர் மன்றத்தில் அளித்த தீர்ப்பின்படி அதாவது கேரளாவுக்கு 30 TMC, புதுவைக்கு 7 TMC வழங்கிட வேண்டும்.  
இது அடுத்த 15 ஆண்டுகள் வரை  நடைமுறையில் இருக்கும் என்றும் அதுவரையில் மேல் முறையீடு கூடாது என்றும், 6 வார காலத்திற்குள் மேலாண்மை வாரியம் அமைத்திட வேண்டும், இனி புதிய அணைகள் ஏதும் கட்டக்கூடாது என்றும் உத்தரவிட்டது.  

காவிரி மேலாண்மை வாரியம் அமைக்க உத்தரவிட்டு 6 ஆண்டுகள் ஆகியும், மத்திய அரசு காவிரி மேலாண்மை வாரியம் அமைக்காதது ஏன் என உச்ச நீதிமன்றம் மத்திய அரசுக்கு கண்டனமும்  தெரிவித்துள்ளது.


இந்த தீர்ப்பை திருப்தி இல்லையென்றாலும், தமிழகமும், கர்நாடக மக்களும் ஏற்றுக் கொள்ளலாம் என்ற முடிவுக்கு வந்த போதுதான் பிரச்சினை வந்தது. 

கன்னட மக்கள் உழைப்பில், கர்நாடக அரசின் முதலீட்டில் விஸ்வேஸ்வரய்யா கஷ்டப்பட்டு கட்டிய காவிரியிலிருந்து அதாவது  KRS அணையிலிருந்து நீரை தமிழக மக்கள் பங்கு கேட்பது எந்த விதத்தில் நியாயம் ?  நிறைய பேருக்கு ஒரு விஷயம் புரியவே இல்லை.
குடகு மலையில் உற்பத்தியாகும் காவிரி ஆறு அங்கிருந்து நேரடியாக ஓடி வந்து தமிழகத்தின் வழியாக ஓடிப்போய் கடலில் கலந்துவிடுவது போலவும், அப்படி கடலில் கலக்க விட்டுவிட்டு ஏதோ கர்நாடகாக்காரன் தேக்கி வைத்திருக்கும் தண்ணீரில் பங்கு கேட்டு தமிழகம் தகராறு செய்வது போலவும் சிலர் நினைக்கிறார்கள்.
பூகோள ரீதியாக பல ஆயிரக்கணக்கான ஆண்டுகளாக காவிரி நதி கரூர், திருச்சி, தஞ்சை, திருவாரூர் வழியாக ஓடி கடலில் கலந்து கொண்டுதான் இருந்தது.  அப்போது காவிரி டெல்டாவில் முப்போகம் விவசாயம் நடந்துகொண்டேதான் இருந்தது.  ஆனால் பிரச்சனை ஆரம்பித்தது  1932ல் காவிரியின் நீர்பிடிப்பு பகுதியில் கிருஷ்ண ராஜ சாகர் அணை கட்டப்பட்ட பிறகுதான்.
அதுவரை தடையின்றி ஓடிக்கொண்டிருந்த நதி காவிரி டெல்ட்டாவை தாண்டி தினமும் பல மில்லியன் லிட்டர் தண்ணீரை கடலுக்குள் கொண்டுபோய் சேர்த்துக்கொண்டே இருந்தது.
KRS அணை கட்டப்பட்ட பிறகு காவிரியில் ஒரு சொட்டு நீர்கூட வர முடியவில்லை. காரணம் காவிரியை தடுத்து கட்டப்பட்ட KRS அணையில் நீர் அடைபட்டது.  அந்த அணை நிரம்பும் தருவாயில் உபரி நீர் மட்டும் வெளியேறிக்கொண்டிருக்கும். அதாவது இயற்கையான போக்கில் ஓடின நதி தடுத்து நிறுத்தப்பட்டுள்ளது.   KRS அணையை தொடர்ந்து கபினி, ஹேமாவதி,ஹாரங்கி அணைகள் கட்டப்பட்டபோதும் அப்படித்தான்.

நம்முடைய நதி நீரை கேட்பது நமது உரிமை.  சிலர் அதை என்னமோ யாசகம் போல நினைத்துக்கொண்டு மழை நீரை சேகரிக்க கூடாதா? கடல் நீரை குடி நீராக்கி குடிக்க கூடாதா என்கிறார்கள்.  அவர்களுக்கு ஒன்று புரியவில்லை. நதி நீர் என்பது நிலத்திற்கு மட்டும் சொந்தமானது அல்ல, கடலுக்கும் சொந்தமானது. நதி நீர் கடலில் கலந்தேயாக வேண்டும்.  அது கட்டாயம். அதுதான் இயற்கை.புவியியல் வல்லுந‌ர்கள்  இதற்கான விளக்கத்தை தெளிவாகத் தருகிறார்கள்.

சில ஆண்டுகளுக்கு முன் சீனா மஞ்சளாற்றின் குறுக்கே உலகின் மிகப்பெரிய ஒரு அணையை கட்டி, அந்த தண்ணீரை பாலைவனத்தின் பக்கம் திருப்பி பல லட்சக்கணக்கான ஏக்கர் நிலங்களை சோலைவனமாக்கியது. ஆனால் அந்த ஆறு கடலில் சேரும் பகுதியில் நதி நீர் ஓடாததால் உப்பு நீர் நிலத்தடி நீருக்குள் ஊடுறுவியது. அந்த பகுதி முழுக்க  கடற்கரையின் உப்பு அளவு அதிகரித்தது.
கடற்கரையோரம் இருந்த மஞ்சள் ஆற்றின்  பாசன பகுதிகள் பாலைவனமானது. மிகப்பெரிய பாதிப்பை சந்தித்த சீனா தற்போது அதை சரி செய்ய முயன்று வருகிறது.
அதுபோல காவிரி நீர் கடலில் கலக்காவிட்டால் காவிரி கழிமுக மாவட்டங்கள் பாலைவனமாகும்.
அணைகள் கட்டி அந்த தண்ணீர் ஏரி, குளங்களில் சேமிக்கப்பட்டாலும் குறிப்பிட்ட அளவு தண்ணீர் கட்டாயம் கடலில் கலந்தேயாக வேண்டும்.

அணைகள் பற்றி பேசுவோம்

கர்நாடகாவிலிருக்கும் KRS, கபினி, ஹேரங்கி, ஹேமாவதி அணைகளில் தேக்கப்படும் தண்ணீரை நம் மேட்டூர் ஸ்டேன்லி அணை என்ற ஒரு அணையில் தேக்கிவிடலாம். இந்த 5 அணைகளில் மேட்டூர் அணைதான் மிகப்பெரியது.  கர்நாடகத்திலிருக்கும் அனைத்து அணைகளும் மலைப்பாங்கான மேட்டு நிலத்தில் இருக்கும் அணைகள்தான்.
ஆனால் தமிழகத்தில் மேட்டூருக்கு கீழே அப்படிப்பட்ட நில அமைப்பு இல்லை. காவிரி டெல்டா மாவட்டங்கள் சமவெளிப்பகுதிகளை கொண்டது. அதில் கிருஷ்ணராஜ சாகர், மேட்டூர் ஸ்டேன்லி போன்ற அணைகளை கட்ட முடியாது.  ஆனால் சிறு சிறு தடுப்பணைகளை  கட்ட முடியும்.  இது பூகோள ரீதியில் உள்ள நீர் வடி நிலம், டெல்டா சமவெளி.
சிலர் கல்லணை மட்டும் டெல்டா பகுதியில் இல்லையா என கேட்கலாம்.  ஆம். கேள்வி சரிதான்.  கல்லணை ஒன்றும் நீங்கள் நினைப்பதுபோல் டி.எம்.சி கணக்கில் நீரை தேக்கி வைத்து வறட்சி காலத்தில் திறந்து விட்டு பயன்படுத்தும் அணை கிடையாது. அது ஓடும் காவிரியின் குறுக்கே தண்ணீரை தடுத்து நிறுத்தி பல சிறு சிறு கால்வாய்களுக்கு பிரித்து அனுப்பும் ஒரு மிகப்பெரிய மதகு போன்றது. கல்லணையில் ஒரு டி.எம்.சி நீரை கூட தேக்க முடியாது.  காவிரி நதியை பொறுத்தவரை மேட்டூர் ஸ்டேன்லி நீர் தேக்கம் ஒன்று மட்டுமே போதும். 
அதிலிருந்து வரும் தண்ணீரை சேமிக்க முயற்சிக்கலாம்.
நிறைய சிறு சிறு தடுப்பணைகள் கட்டி நிலத்தடிநீர் மட்டத்தை உயர்த்தலாம், அந்த நீரை ஏரி, குளங்களில் சேமிக்கலாம்.
ஆனால் ஒரு சொட்டு தண்ணீரைக்கூட கடலுக்கு விடமாட்டேன் என நாம் நினைத்தால் இயற்கை நம்மை பழிக்கும்.  டெல்டா மாவட்டங்களில் மிகப்பெரிய அணையை கட்டுவேன் என யாராவது சொன்னால் அது கற்பனையாகத்தான் இருக்கும்.உண்மையில் காவிரி டெல்டா சமவெளியில் பெரிய அணைகளை கட்ட முடியாது. சிறு, குறு தடுப்பணைகளை மட்டுமே கட்ட முடியும்.  காவிரி டெல்டா மாவட்டங்களில் நிறைய தடுப்பணைகளை கட்டிக்கொள்ளாதது நம்முடைய தவறுதான். தர்க்க ரீதியில் தவறுதான். ஆனால் இயற்கையை நாம் மாற்ற முயற்சிக்கவில்லை என்ற வகையில் அது சரி.
இதற்காக நமக்கு காவிரியில் உரிமை இல்லாதது போலவும், கர்நாடகாவை தொந்தரவு செய்வது போலவும் யாரும் பேசாதீர்கள்.
சர்வதேச நதி நீர் தாவா சட்டத்தின்படி ஒரு நதி மீது அதிக உரிமை அதன் கீழ் பகுதியில் இருப்பவர்களுக்குத்தான். எவரிடம் அதை பயன்படுத்தும் பகுதி அதிகம் உள்ளதோ அவர்களுக்குத்தான் அதிக உரிமை.
நமது உரிமையைத்தான் நாம் கேட்கிறோம்.    பிச்சை அல்ல.   நமது அரசியல் சண்டைக்காக நமது உரிமையை ஏளனப்படுத்தாதீர்கள்!
காவிரியில் நமக்கு இருக்கும் உரிமை போன்றே வங்கக்கடலுக்கும் உரிமை இருக்கிறது. பல லட்சக்கணக்கான ஆண்டுகளாக காவிரி நீரை வங்கக்கடலும் குடித்து வந்திருக்கிறது. அதை கர்நாடகாவும், நாமும் முழுவதும் எடுத்துக்கொண்டால் இயற்கைக்கான பங்கை யார் கொடுப்பது?

காவிரி நமது உரிமை.  உரிமைக்கான போராட்டத்தில் ஈடுபடுபவர் எவராக இருப்பினும் அவர்களுடன் நாமும் கரம் கோர்ப்போம். வெற்றி பெறுவோம்!



Wednesday, April 18, 2018

வருந்துகிறோம்!


நம்மிடையே பட்டுக்கோட்டை தொலைபேசி இணைப்பகத்தில் பணியாற்றிய தோழர்
S. சீனிவாசன் ( 50 ) அவர்கள் நேற்று 17-04-2018 நள்ளிரவு இயற்கை எய்தினார் என்பதை ஆழ்ந்த வருத்தத்துடன் தெரிவித்துக் கொள்கிறோம்.
இன்று 18-04-2018 மாலை 4 மணிக்கு வளவன்புரம் அவரது இல்லத்திலிருந்து உடல் எடுத்துச் செல்லப்பட்டு   நல்லடக்கம்
 நடைபெறும். 
 ‎தோழரின் பிரிவால் வாடும் அவரது குடும்பத்தாருக்கு நமது ஆழ்ந்த இரங்கலைத் தெரிவித்துக் கொள்கிறோம்!

இவண், 
NFTE - BSNL,
தஞ்சை மாவட்ட சங்கம்.

Saturday, April 14, 2018

டெலிகாம் டெக்னீஷியன் கேடரின் 
ஓவர் பேமெண்ட் ரெகவரி பிரச்சினை
=====================================
தோழியர். A. லைலாபானு அவர்கள்,
மாநில மகளிர் ஒருங்கிணைப்பாளர். 
=====================================





Thursday, April 12, 2018

அனைத்துத் தொழிற்சங்கங்களின் சார்பில் 
கண்டன ஆர்ப்பாட்டம்

12-04-18 காலை 9:30 மணி 
CTMX  இணைப்பகம், தஞ்சாவூர்.
=========================================
நூற்றுக்கணக்கான தோழர்கள் 
மாவட்டம் முழுவதிலும் இருந்து வந்திருந்தனர். 
காவேரி  பிரச்சினைக்காகவும்  கருப்பு பேட்ஜ்
அணிந்து  ஆர்ப்பாட்டம் நடைபெற்றது.
அனைத்துச் சங்கத் தலைவர்களும்
கண்டன உரையாற்றினர்.  






















Wednesday, April 11, 2018

அனைத்துத் தொழிற்சங்கங்களின் சார்பில் 
கண்டன ஆர்ப்பாட்டம்
=========================================
12-04-18 காலை 9:30 மணி 
CTMX  இணைப்பகம், தஞ்சாவூர்.
===========================================

BSNL நிறுவனத்தை 
அழித்திடும் நோக்கில் துணை டவர் நிறுவனத்தை உருவாக்கும் மத்திய அரசின் முயற்சியை கண்டித்தும்


தமிழகத்தை பாலைவனமாக்கும் முயற்சியாக காவேரி மேலாண்மை வாரியம் அமைக்காததைக் கண்டித்தும் 
மாபெரும் கண்டன ஆர்ப்பாட்டம்.
===============================

அனைவரும் வருக!
கோரிக்கையின் நியாயம் உணர்ந்த கொள்கைப் படையே!  வருக! வருக!!
====================================

Sunday, April 8, 2018

தோழர். O.P. குப்தாவுக்கு 

இன்று 96 வது பிறந்த நாள்.
==========================
1954  ல்   NFPTE தொடங்குவதற்கு முன்பாக 
UPTW என்ற பெயரில் இயங்கி வந்த சங்கத்தை 
POSTAL, தந்தி,  RMS,  TELECOM,  ADMINISTRATION
பகுதி அனைத்தையும் ஒன்று சேர்த்து 
P3, P4,  T3,T4,  R3, R4,  E3,E4, மற்றும் 
Administrative union    
என 9 சங்கங்களை ஒன்றிணைத்து NFPTE சம்மேளனத்தை 
உருவாக்கினார் தோழர் OP குப்தா.
எத்தனை போராட்டங்கள், எத்தனை  தடைகள் 
பல பிரதமர்கள், பல மந்திரிகள், அதிகாரிகள் 
என பலரையும் சந்தித்து 
சாதனை படைத்த சங்கம் NFTE.

தலைவனைப் போற்றுவோம்! வணங்குவோம்!! 

Thursday, April 5, 2018

காவிரி மேலாண்மை வாரியம் 
அமைப்பதில் உள்ள கயமைத்தனம்.

6 வார காலத்திற்குள் காவிரி மேலாண்மை வாரியம் அமைக்க வேண்டும் என்று உச்ச நீதிமன்றம் உத்திரவிட்ட கெடு முடிந்துவிட்ட சூழ்நிலையில், உச்சநீதிமன்ற உத்தரவை மயிர் அளவிற்குக் கூட மதிக்காமல் உதாசினப்படுத்தி இருக்கின்றது மத்தியில் ஆளும் ஆட்சி. 

உச்ச நீதிமன்ற நீதிபதிகளே, 'மோடி ஆட்சியில் நீதி மிரட்டியும் விலைபேசியும் வாங்கப்படுகின்றது' என்று பகிரங்கமாக குற்றம் சுமத்தி இருக்கும் சூழ்நிலையில், இந்த அரசு நீதித்துறையையும், அது கொடுக்கும் தீர்ப்புகளையும் மதிக்கும் என்று யார்தான் எதிர்பார்க்க முடியும்? 


ஆனால் தமிழர்களை மோடி அரசு இவ்வளவு  உதாசீனப்படுத்தியதையும், அவமானப்படுத்தியதையும் ஒரு பொருட்டாகக் கூட நினைக்காமல் மாநிலத்தை ஆளும் அடிமை அரசு, 'நாங்கள் மக்களின் உணர்வுகளை பிரதிபலிக்கும் வகையில் உண்ணா விரதம் இருப்போம்' என்கின்றார்கள். இந்த உண்ணாவிரதப் போராட்டம் இந்தியாவில் மிகப்பெரிய பாதிப்பை ஏற்படுத்துமாம்!.


ஆற்று மணலைக் கடத்தி கோடி கோடியாய் கொள்ளையடித்த கும்பலுக்குக் காவிரிப் பிரச்சினையில் உணர்வுப்பூர்வமான சிந்தனை இருக்கும் என்று நாம் எதிர்பார்த்தால் நம்மைவிட அறிவிலிகள் வேறு யாரும் இருக்க முடியாது. இந்த மக்களை இன்னும் நம்ப வைத்து கழுத்தறுக்கவே இவர்கள் இந்த உண்ணாவிரதப் போராட்டம் இருக்கின்றார்கள் என்பதை நாம் புரிந்துகொள்ள வேண்டும்.
 தமிழர்களை அழித்து அப்படி ஓர் இனம் இந்த உலகில் இருந்ததற்கான சுவடே இல்லாமல் செய்திட வேண்டும் என்பதுதான்  நீண்ட காலத் திட்டமாகும். தமிழ்நாட்டில் இந்தியையும், சமஸ்கிருதத்தையும், நீட்டையும் திணித்து தமிழ்நாட்டு மக்களை அழிப்பதைவிட, காவிரி என்ற ஒன்றை இல்லாமல் செய்துவிட்டால் மொத்த தமிழ்நாட்டில் பாதியை அழித்துவிடலாம் என்பதுதான் தமிழின எதிரிகளின் திட்டமாக உள்ளது. 
மோடியின் ஆட்சி முடிவதற்குள் ஒட்டுமொத்த தமிழ்நாட்டையும் சுடுகாடாக மாற்ற வேண்டும் என இந்தப் பாசிச கும்பல் திட்டமிட்டு செயலாற்றி வருகின்றது. 
தமிழ் மக்களின் மொழி, பண்பாடு, அவர்களின் நாகரிகம் என அனைத்தையும் அழித்தொழிக்க செயலாற்றிவரும் இந்தக் கும்பலுடன் தமிழ்நாட்டில் இணைந்து செயலாற்றிவரும் இந்து முன்னணி, இந்து மக்கள் கட்சி போன்ற  அமைப்புகளும், இன்னும் பிற சாதிய அமைப்புகளும் இவர்களுடன் கைக்கோர்த்து தமிழ்மக்களை அழிக்க பணி செய்து கொண்டு இருக்கின்றன.
இந்து மக்களின் நன்மைக்காக அவர்களின் ஒற்றுமைக்காக கட்சி நடத்துவதாக சொல்லி, தமிழ் மக்களை சாதியாகவும், மதமாகவும் பிரித்து அவர்கள் மத்தியில் சாதிய துவேசத்தையும், மத துவேசத்தையும் வளர்க்கும் இந்தக் கும்பல், தமிழ் மக்களை ஒருக்காலும் அப்படி தன்னுடைய சக இந்துக்களாகப் பார்த்து அவர்களின் நன்மைக்காக உழைப்பவர்கள் கிடையாது என்பது இதன் மூலம் மீண்டும் ஒரு முறை நிரூபிக்கப்பட்டிருக்கின்றது. 
தமிழர்கள் வரலாற்றில் ஒருநாளும் இந்துக்களாக இருந்ததும் இல்லை, இனி இருப்பதற்கான எந்தத் தார்மீக நியாயமும் இல்லை என்பதைத்தான் மத்தியில் இருக்கும் மோடியின் பாசிச ஆட்சி திரும்பத் திரும்ப நிரூபித்துக்கொண்டு இருக்கின்றது. தமிழ்நாடு மத்திய அரசுக்கு வரி கொடுக்கவும், மற்ற மாநிலங்களில் இருந்து வாழ வழியற்று இங்கு வரும் நபர்களை இன்முகத்தோடு ஏற்று அவர்களை வாழவைக்கவும் மட்டுமே தேவைப்படுகின்றது. 
மற்றபடி தமிழ் மக்கள் எக்கேடு கெட்டு நாசமாய்ப் போனால்தான் நமக்கென்ன என்ற சிந்தனைதான் எப்பொழுதுமே மத்தியில் இருக்கும்  அரசுகளின் கொள்கை முடிவாக இருக்கின்றது.

மானமுள்ள தமிழினமே இப்போது நீ விழித்துக்கொள்ளவில்லை என்றால் உன்னுடைய தலைமுறையே அழிந்துபோகும். உணர்வு பெற்று விழித்தெழு. தெருவுக்கு வா, போராடு. உன் தாத்தனுக்கு தாத்தனுக்கும், உன் அப்பனுக்கு அப்பனுக்கும் இருந்த உரிமையை யாரோ ஒரு கேடு கெட்ட மதவாதக் கும்பல் பறிக்க முயலுகின்றது. விட்டுவிடாதே. வரலாற்றில் இது ஒரு முக்கிய தருணம். வாழ்வா சாவா போராட்டம். மோதிப் பார்ப்போம். இந்த முறை ஆரிய ராமனைப் பழி தீர்க்க ஒரு இராவணன் இல்லை எட்டுகோடி ராவணன்கள் இருக்கின்றார்கள் என்பதைக் காட்டுவோம். நாம் மானமுள்ள தமிழர்களாக இருந்தால் காவிரியை மீட்போம், இல்லை காவிரிக்கு நம் உயிரைக் கொடுப்போம். போராடு தமிழகமே போராடு!!
திருமண விழா.
நீடாமங்கலம்  தோழர். P.வீரையன் TT/BSNL 
இல்ல திருமணவிழா இன்று 
05-04-18 சிறப்பாக நடைபெற்றது.         மாவட்டசெயலாளர் K.கிள்ளிவளவன் மற்றும் தோழர்கள் வாழ்த்துக்களை தெரிவித்தனர்.

மணமக்கள் V.பிரகாஷ்- T.மேனகா 
வாழ்க! வளர்க!! என வாழ்த்துகிறோம்.
----------------------------------------------------------------------------


காவேரி மேலாண்மை வாரியம் 
அமைக்கக் கோரி திருவாரூரில் ஆர்ப்பாட்டம்.
05-04-18




Wednesday, April 4, 2018



01-04-2018 முதல் IDA 0.3% சதவீதம் உயர்வு!

01-04-2018 முதல் IDA 0.3% சதவீதம் 
உயர்ந்துள்ளது.
இத்துடன் மொத்த IDA (126.9% + 0.3%)
127.2% சதவீதம் ஆகும்.
ஒப்பந்த ஊழியர் VDA உயர்வு:

ஒப்பந்த ஊழியர்களுக்கான விலைவாசிப்படி VDA 01-04-2018 முதல் கீழ்க்கண்டவாறு உயர்ந்துள்ளது.

UNSKILLED:
A பிரிவு நகரம் - ரூ.17/- நாளொன்றுக்கு உயர்வு ரூ.536/- லிருந்து ரூ. 553/- ஆக  உயர்வு.
B பிரிவு நகரம் - ரூ.14/- நாளொன்றுக்கு உயர்வு ரூ.448/- லிருந்து ரூ. 462/- ஆக உயர்வு.
C பிரிவு நகரம் - ரூ.11/- நாளொன்றுக்கு உயர்வு ரூ. 359/- லிருந்து ரூ. 370/- ஆக  உயர்வு.

இனி 01-04-2018 முதல்: UNSKILLED நாள் கூலி:
A பிரிவு நகரம்: ரூ. 553/-
B பிரிவு நகரம்: ரூ. 462/-
C பிரிவு நகரம்: ரூ. 370/-

நமது முதன்மைப் பொது மேலாளர் 
அவர்களின் வாழ்த்துச் செய்தி.
=======================================

அனைத்து தொழிற்சங்கங்களைச் சார்ந்த ஊழியர்களாகிய  நீங்கள் நமது நிறுவனத்திற்காக காலமறிந்து பெரிதும் உழைத்திருக்கிறீர்கள். 
அதற்கு என் நன்றியை உரித்தாக்குகிறேன்.

உங்கள் தலைவர்களின் ஊக்குவிப்பால், அதன்  உறுப்பினர்களாகிய நீங்கள், நமது நிறுவனத்தை தாயாகப் பாவித்து தந்திட்ட 
சேவை மிகப் பெரிய பங்களிப்பாகும்.  

இன்னும் பல உறுப்பினர்களும், உறுப்பினர் அல்லாதோரும் நமது நிறுவனத்திற்கு பலவகைகளிலும் இத் தருணத்தில் 
பற்றுறுதியோடு தங்கள் பங்களிப்பை செய்திருக்கிறார்கள்.
அவர்களுக்கும் என் வாழ்த்துக்கள்!

விடுமுறை நாட்களிலும் வேலை செய்து துறையின் வளர்ச்சிக்கு உதவிட்ட உங்களை மீண்டும் மீண்டும் வாழ்த்தி மகிழ்கிறேன் என்று 
நமது PGM  திரு C.V. வினோத் அவர்கள் 
அனைவரையும் பாராட்டியுள்ளார்.   
====================================================
PGM அவர்களின் 
வாழ்த்துக்கு நன்றி!
-----------------------------
  பரபரப்பாக பணியாற்றும்போது உங்களின்  பாராட்டு என்பது எங்களுக்கு ஒரு டானிக் ஆக இருக்கிறது.  அந்த வகையில் உங்கள் வாழ்த்து எங்களுக்கு பெரிதும் நிறைவைத் தருகிறது.   
எனவே, நமது PGM அவர்களுக்கும் நமது நெஞ்சார்ந்த நன்றியை தெரிவித்துக் கொள்கிறோம்.
=======================================================================
அவரின் வாழ்த்துச் செய்தி
  (ஆங்கிலத்தில்)கீழே உள்ளது.
I take this opportunity to thank each and every one of you for leading your unions and associations responsibly and thus serving our Company .
 I can proudly say that she is our Mother and your role  as leaders has helped motivating your members in serving dedication and I think this is the biggest contribution.
Many of your members have silently worked without any regard to personal comfort and offered the best they could for the customer inspite of so many constraints , some of your members  although had the heart to involve and demonstrate their love for the company , could not contribute to their satisfaction ,due to circumstances beyond their control.
I am indeed proud to notice that like a true family , I have seen others shouldering additional responsibilities when their colleagues were unable to support or actively participate, this is our true strength , where keeping aside differences we decided to work for a common cause in unison.
This indomitable spirit will carry us forward with pride into the next financial year where we will continue to face challenges .
Let us again move ahead as responsible citizens blessed with the opportunity of working for this great company and thus serving our nation.
Today incidentally being Easter , is also a day which symbolises the prevalence of unconditional love and truth over , selfishness, bigotry and untruth.  Goodwishes


செய்திகள்

NATIONAL FEDERATION OF TELECOM EMPLOYEES THANJAVUR